Taksa hrisel nei turin TKP inzirtir

Thalai Kristian Pawl (TKP) chuan “Hriselna atana tlan” tih thupuia hmang Nilaini zing khan hun an hmang.
Kumina neih Mizoram TKP rorel vawi 71-na in “Hriselna chungchanga thalaiten hma kan sawn theihnan hma lak nise” tia a pass tawh bawhzuina in Mizoram hmun hrang hrang hrangah hun hman a ni a. A hmanna pui ber Lunglei Venglai Tennis Court-ah Lunglei addl. DC James Miahlung hoin hman a ni. Hmanpuitu dang, deputy chief medical officer Dr Lalrinthangi chuan hmanlai hun leh tunlai kan khawsak phung a danglam nasa a, ei leh in kan thlak nasat avangin tunhmaa Mizoten kan hriat ngai loh, ram changkangte chauhin an neih thin natna chi hrang hrang kan kai tawh a, kan taksa ti hrisel lo tu ah ruihtheih thil kan tih leh zuk leh hmuam a tel tih hria in, kan sim a ngai tih a sawi a ni.
Aizawlah chuan Vanapa Hall kawtah hun hman a ni a. Health minister Lalrinpuii hoin hman a ni a. Lawngtlaiah chuan Areopagy hmunah hman a ni.
‘Hriselna atana- tlan’ hi Mizoram chhung leh pawna Bial TKP leh Unit TKP ten anmahni remchan dan angin an hmang bawk a .
MTKP chuan hriselna chungchanga thalaiten hma an sawn theih nan hma lak chhunzawm zel a tum a, Bial leh Unit huanga a duang a ni.