Tamil Nadu-ah 20,000 crore investment

Korean automobile major Hyundai Motor India chuan kum 10 chhungin vehicle platform tihtunlai nan leh electric vehicle lama hmalak nan Tamil Nadu-ah Rs 20,000 crore investment a siam dawn.
Unsoo Kim, MD leh CEO of Hyundai Motor India Limited, leh V. Vishnu, MD and CEO of Guidance Tamil Nadu, te chuan Chief Minister M.K. Stalin, Minister for Industries, Investment Promotion and Commerce T.R.B. Rajaa, Minister for Finance and Human Resource Management Thangam Thennarasu leh senior government officials te hmuh laiin MoU an ziak a ni.
Hyundai chu Tamil Nadu-a manufacturer lian ber pakhat leh investor pawimawh ber pakhat a nih thu sawiin Kim chuan, “Hmathlir thui tak kan neih kal zelah, India rama Hyundai’s EV manufacturing hmunpuiah Tamil Nadu kan thlang a ni. He mi hmang hian nasa zawka inthuam thain technology tha ber ber te kan vehicles-ah te vuahin customer te beisei kan phak ngei kan beisei,” tiin a sawi.
Event neihnaah Chief Minister chuan kum 1996 khan a pa, khatih laia Chief Minister M. Karunanidhi chuan State a Hyundai te unit hmasa ber lungphum a phum thu a sawi a. An plant pahnihna Rs 4,000 core lai investment tihna pawh kum 2008 khan Karunannidhi bawkin a hawng tiin a sawi bawk.
Finance portfolio changtu Thennarasu chuan Tamil Nadu chuan tun hnai kum hnih chhungin investment nasa tak a hmuh thu a sawi a. Tun hnai lawkah pawh Cisco te chuan State-ah manufacturing plant an din thu a sawi bawk.
Industries minister Rajaa pawhin Hyndai chu India ramah Korea ram ang bawka hriat lar a nih thu a sawi a. Hyundai chu Tamil Nadu thian tha ni reng a ni tia sawiin, “Tuna investment lama MoU kan ziak hian kum tam tak kan inthian tawhna a pholang a ni,” tiin a sawi.
Tamil Nadu chuan skill development lam thlurbingin hnathawk thei tur mi laktlak leh tha a tharchhuak zel ang, a ti bawk.
Tamil Nadu chuan State in electric mobility lama sustainable ecosystem siam a tumna lamah Hyundai chu strategic partner-ah a thlang a. Hyundai te chuan tunlai thiamna changkang ber bera thuam battery pack assembly unit kum khata battery unit 1,78,000 siam chhuak te a din dawn a. Hei bakah hian company te chuan major highway a hmun pawimawhah kum nga chhungin EV charging station 100 a bun bawk dawn a. Heng zingah hian dual ultra-fast charging stations (DC 150 KW + DC 60 KW) panga, single fast charging stations (DC 150 KW) 10 leh single fast charging stations (DC 60 KW) 85 a tel a ni.
Hei bakah hian Hyundai te chuan kum khatah electric leh ICE vehicles te an factory Sriperumbudur atangin 8,50,000 units siam chhuah hman an tum a, tun dinhmunah kum khatah 7,75,000 units an siam chhuak mek a ni.