Tamil Nadu damdawi in kangah mi pasarih boral
Ningani zan thim hlim khan Tamil Nadu-a Dindigul damdawi in hmingthang takah kangmei chhuakin, mi pasarihin an thih phah a, midang 20 velin hliam na tak an tuar bawk.
Thuneitute chuan nunna chan zingah hian naupang pakhat leh hmeichhe pahnih an tel thu an sawi a, kangmei chu ground floor reception area atanga chhuak nia an hriat thu an sawi.
Kangmei hi ground floor atanga chhuak a nih avangin meikhu in room hrang hrang leh floor hrang hrang a tuam chhuak nghal a, electric kalsual vang nia rin niin, kangthelh pawlte chuan darkar khat chuang kangmei chhuak tih reh tuma an beih thu an sawi bawk.
Thuneitute chuan meikhu nasa tak chhuak chu nunna chan leh hliam tuar an tam chhan niin an sawi a, ambulance 50 chuang dah nghal nia sawiin, damlo 30 chuang chu damdawi in dangah rang taka hruai nghal an nih thu an sawi bawk.
Sorkar chuan nunna chan chhungte an tawrhpui tak zet thu sawiin, hliam tuarte pawh enkawlna tha tak pek nghal an nih thu an sawi a, sorkar chuan a tih tur chin a tih nghal thuai thu a sawi bakah, nunna chan chhungte leh hliam tuarte pawh an ngaihsak zui nghal thu an sawi.
Tamil Nadu damdawi in kangah mi pasarih boral
Get real time updates directly on you device, subscribe now.
Prev Post