April 19 zinga Lunglei District Jail atanga tlanchhuak mi panga zinga pahnih Dokapthanga leh Lalbawihliana te chu Lunglei district Mausen khawtlangin April 20 zan khan an man a, police kutah an hlan nghal.
Ningani zan 8.00 vel khan Mausen khaw daia Vai hotel-ah mi pahnih chuan ei tur an dil a, hotel neitute hian tang tlanchhuak nia sawite khan an nia hria in khaw mite an hrilh a, Mausen khawtlang inpun khawmin he hotel-ah hian Dokapthanga leh Lalbawihliana te hi an man ta a ni.
Jai atanga an tlanchhuah pui midang pathumte nen an inthurual lo tih heng mite hian sawiin, an tlanchhuahna kua atanga chhuak ve mai an ni tih an sawi a. Midang pathum te kalna chin an hriat loh thu leh tlanchhiat tum sa na pawh an hran lo tih an sawi tih Mausen VCP Lalmawizuala chuan The Aizawl Post a hrilh.
Heng tlanchhuak pahnih man takte hi ruihhlo tawlh/ kawl avanga man, ND&PS Act hmanga thubuai siamsak an ni.
Hetihlai hian Ningani tlai dar 4.30 vel khan mi tu tih hriat loh pathum chuan Thingkah leh Thingfal inkarah Bolero camper pakhat tlan chu lo tidingin, driver-te kut an thlak hnu ah an sum kawl lai Rs 22000 vel a bag chawpin an chhuhsak a, teak hmun kawngthlang lamah an tlanlut a, an bo zui leh ta nia sawi a ni a. Driver leh a chuanpuite hi Lunglei District Jail atanga tlanchhuakte thlalak entir an ni a, heng mite ngei hi anmahni lo suamtute hi nia an hriat thu an sawi a ni.
Hei vang hian Lawngtlai district huamchhunga awm Thingkah YLA chuan Thingfal nen an inkar kawngdung leh kawng siama awm hnamdang camp vel an enfiah nghal a, hmuh leh hriat belh an nei rih lo nia sawi a ni.
Tang tlanchhuak zinga 2 man
Get real time updates directly on you device, subscribe now.
Prev Post
Next Post