Tanker kangah mi pakhatin nunna chan

Nimin khan Delhi a Dwarka district huamchhunga khaw pakhat Bhartal-ah tanker kang vangin mi pakhatin nunna a chan a, mi pathumin hliam an tuar bawk.
He kangmei hi tanker an siam laia chhuak niin, oil phurh a neih loh lai tak a ni thung.
Police te sawi dan chuan report dawn a nih veleh a tul angin kangmei thelh hna an thawk nghal a, hmun dang a kangkai hman lo, an ti a. Hliamte hi enkawlna pek nghal niin, an dinhmun hlauhthawnawm a nih loh thu an sawi.
Hmun him lama dah an nih hnuin kangmei chhuahna hnuhma an enfel leh vek thu an sawi bawk a, hlauhthawnawm a awm tawh loh thu an sawi bawk.