Tanrilah consumer awareness campaign

Tanrilah consumer awareness campaign
Mizoram Consumers’ Union Hqrs, DC Aizawl leh Tanhril & Tanhril Vengthar MCU Branch tangho huaihawtin October 18 zan khan Govt Primary School-I Tanhrilah consumer awareness campaign neih a ni. Consumer awareness campaign-ah hian MCU Hqrs president Prof. Chawngsailova leh hruaitu dang Lalthangfala te chu resource person an ni.
Resource person-te atangin consumer-te hriat tur pawimawh ngaihthlak a ni a. Consumer Protection Act chu Parliament-in kum 1986-ah a siam thu te, thil siam chhuaktu emaw zuartu emaw ni lo, sum leh pai senga leitu zawng zawngte chu consumer an nih thu te, printed price aia sanga thil zawrh leh printed price inziak chawhchhiata ziah that emaw lehkha bel hnana rate dang ziah chu dan bawhchhiatna a nih thu te, consumer-ten an thil lei waranty huamchhunga chhiatna emaw a neih chuan complain a, siam\hat emaw a thara thlak theih a nih thu te, thil leina cash memo lak zel a pawimawh thute sawi a ni. Consumer kaihhnawih chu law court-ah ni lova consumer court lama kalpui tur a nih zawk thute pawh sawi a ni bawk.