Tar pension pechhuak mek

Tar pension pechhuak mek
Sawrkarin a pek tar pension, hmeithai leh rualbanlo pension chu tunlai hian an bank account-ah thun mek a ni tih ZPM Thalai chuan an sawi.
ZPM Thalai Hqrs. thuchhuak chuan, Social Welfare – DSWO Aizawl West hnuaia tar pension, hmeithai leh rualbanlo pension la Mizoram Rural Bank leh State Bank of India-a account nei zawng zawng, an puala hamthatna awm chu state sawrkarin a tum tur, kumin April atanga September thlengin, kum 80 chunglam pension dawng tur tan thla tin Rs.1000 an dawn tur a vaiin Rs. 6000; kum 60 chunglam tan thla 6 chhunga an dawn tur a vaiin Rs. 6000; hmeithai pension la tur thla 6 atan Rs. 6000 leh rualbanlo pension thla 6 tan Rs. 6000 chu thun mek a ni tih an sawi.
Hmeithai, rualbanlo leh tar chaklo zawkten an dikna chanvo, an puala hamthatna awmte an hmuh ngei theihna tur leh, tar pension hlawh pawh tihpun a nih tur thu chief minister Pu Lalduhoma’n a lo sawi lawk tawh ang ngeiin a taka hmalakna chak tak hmuh a ni thei mai chu lawmawm an tih thu ZPM Thalai hian a sawi.
‘ZPM, mipui sawrkarna hnuaiah pachhia, hmeithai, rualbanlo leh tar chaklo zawkte hlamchhiah an ni ta lo hi lawmawm kan ti ta. Chief minister Pu Lalduhoma’n ‘Nazareth Menifesto’ a lo tlangaupui thin ngei kha a taka hman tan a ni ta hi a lawmawm a; chief minister leh a kaihhruai ZPM mipui sawrkar kan chhuang takzet a ni,’ thuchhuah chuan a ti.