Tax officer-ten chhiah pe tha duh lo te chunga hmalak dan tur zir
Taxation department-a tax buaipuitu officer-te chu chhiah pe tha duh lote chunga hmalak dan tur zirtir an ni.
Mizoram Taxation department leh Goods and Services Tax Network (GSTN) tangdun chuan July 25 & 26 chhung khan GST training an buatsaih a. Training pe tur hian GST Council-in GST system siam tura mawhphurhna a pek, GSTN Hqrs New Delhi atangin trainer pathum an lokal a ni.
Commissioner of State Tax R Zosiamliana chuan Mizoram sawrkarin sum harsatna a tawh mek dan, Taxation department chu sawrkar hnuaia revenue laluttu department zinga thawh hlawk ber a nih thu a sawi.
Training-ah hian GST dan hnuaia enforcement leh audit zir ho niin, chhiah chu mipuiin kan thil leina manah kan pe tel a, hei hi GST dan hnuaia chhiah petu (registered taxpayer) ten kim takin thla tin emaw thla tum danah emaw sawrkarah an chhunglut tur a ni a. An chhun luh loh emaw an chhun luh kim loh emaw hian sawrkarin mipui a enkawlna tur sum a hmuh tur zat a hmuh loh phah thin a. Chhiah petuten mipui sum an lo kawl khawtlai thin chu GST dan chuan a ngai thutak hle a, a hremna pawh a na hle tih sawi a ni.
Zirtawpnia training kharna hi Taxation minister Dr Vanlalthlana’n hmanpuiin certificate a sem a ni.
l GST dan hnuaiah chhiah petuten an pek dik leh dik loh endik tura a ruat chu Taxation deparment officer-te an ni.
l State tax officer atanga commissioner of State Tax thlengin GST dan hmangin mawhphurhna pek vek an ni.
l Tun tum training-a an zir, GST enforcement hnuaiah hian tax officer-te hi chhiah lakna bungrua khawi hmunah pawh endik thei turin thuneihna pek an ni a. Bungraw phurtuten document felfai an neih loh chuan an bungrua leh a phurtu motor thlengin man theih an ni.
l Chhiah petuten an pek dik leh dik loh enfiahna dan, GST Audit hnuaiah dawr hmun bakah kudam (warehouse) endik thei turin tax officer-te hi thuneihna pek an ni.
l Pe kimlo emaw lo awlru emaw an awm tih hmuhchhuah a nih chuan an chhiah pek kim loh/ awl ruk bakah penalty leh interest pek tel a ngai thin. An pe duh lo a nih chuan GST danin a phal angin an thil neih (property) hrensak /lilam sak theih an nih bakah an bank account thlengin tih thih lailawk (freeze) theih a ni.