Taylor Swift a lar ber

Last updated Dec 9, 2023 14 0

Taylor Swift chu kar khat chhunga US-a zaithiam lar ber niin, Billboard Artist 100 chart-ah a No.1 a, he chart-a a No.1 tawh zawng zawng belhkhawm chu kar 88 a tling ta a, he chart-a No.1 ni ngun ber a nihna a sawh nghet leh ta sauh a ni.
Billboard Artist 100 chart hi kar khat chhunga US-a zaithiam lar dan tehna niin, chart ranking siam nan hian album leh hla an hralh tam dan te, streaming leh radio airplay te chu tehna pawimawh a ni.
Taylor Swift hian a album leh hla a hralh tha hle a, tunkar Billboard 200 (albums) chart -ah a album 10 langin, chung zingah panga chu top 10-ah a lang a, tum khata he chart top 10-a lang thei album panga nei thei hmasa ber a ni nghe nghe, hei bakah hian Billboard Hot 100 (singles) chart-ah pawh a hla paruk a lang thei bawk.
Swift album ‘1989 (Taylor’s Version)’ chu Billboard 200-ah hian No.1 niin, a album dang Midnights (No.3), Folklore (No.5), Lover (No.6) leh Speak Now (Taylor’s Version) (No.10) te chu top 10-ah langin, Red (Taylor’s Version) (No.19), Reputation (No.27), Fearless (Taylor’s Version) (No.34), Evermore (No.36) leh 1989 (No.76) te chart-ah an lang pha bawk. Billboard 200 chart hi kar khat chhunga US-a album hralh tam dan atanga tehin chart ranking siam thin a ni.
Billboard Hot 100 (singles) chart-ah pawh a hla ‘Cruel Summer’ chu No.7 niin, ‘Is It Over Now? (Taylor’s Version) [From the Vault]’ chu No.21 a ni a, ‘You’re Losing Me (From the Vault)’ chu No.46 niin, ‘Now We Don’t Talk (Taylor’s Version) [From the Vault]’ chu No.74 a ni a, ‘Slut! (Taylor’s Version) [From the Vault]’ chu No.98 niin, ‘Say Don’t Go (Taylor’s Version) ]From the Vault]’ chu No.100 a ni bawk. Billboard Hot 100 chart hi kar khat chhunga US-a hla hralh tam dan leh radio lama an zai tir nasat dan atanga tehin ranking siam thin a ni.
Morgan Wallen chu No.4 atangin No.2 a kai leh ta a, Drake chu No.2 atangin No.3-ah tawlhin, Olivia Rodrigo chu No.7 atangin No.4-ah a insawn a, Zach Bryan chu No.6 atangin No.5 a kai ve leh ta bawk.
Mariah Carey pawh No.20 atangin No.10-ah a invawrh kai leh ta a, ani hi Krismas vuakvetah a hla ‘What I Want for Christmas Is You’ a lar thar leh thin a, hei hian Artist 100 chart-ah pawh a vawrh sang leh thin a ni.