Taylor Swift hausakna $1.3B a tling tawh

Forbes-in 2023 Self-Made Women list an tihchhuahah Taylor Swift hausakna chu dollar maktaduai 740 a ni a, chumi hnuah a hausakna hi pungin, nikum October khan dollar tluklehdingawn 1.1 a kai a, tunah chuan a hausakna hi dollar tluklehdingawn 1.3 a tling ta.
Swift hian nikum October atang khan a hausakna hi dollar maktaduai 200-in a tipung leh hman tawh a, hei hi a catalog hlutna pun vang a ni pakhat a, tunah chuan Taylor Swift catalog hlutna hi dollar maktaduai 600 a tling tawh. Hei bakah hian a hla an play-na atanga royalty a dawn te, The Eras Tour thawhkhatna movie-a an siam atanga a hlawh dollar maktaduai 55 te pawh a sum hmuhna lian zingah a tel.
Swift hi tunah chuan Forbes-in Self-Made Women list a siama hmeichhe lang thei mi 100 zinga No.24 a ni pha ta a, nikum khan he list-ah hian No.34 a ni.