Taylor Swift hlaa No.1 ni rei thei ber ‘The Fate of Ophelia’

Taylor Swift hla hit ‘The Fate of Ophelia’ chu Billboard Hot 100 (US singles) chart-ah a No.1 a, he chart-ah hian a zawn lovin kar 10 a No.1 tling ta a, Swift hlaa e chart-ah No.1 ni rei thei ber a ni ta. Hetihrual hian Djo pawh a vawi khat nan top 10-ah a lang ve ta bawk.
‘The Fate of Ophelia’ hi Billboard Hot 100 chart-a Swift hla No.1 ni thei 13-na a ni a, chung zingah chuan kar 10 chin No.1 ni thei hmasa ber a ni ta a ni. He hla hi a album ‘The Life of a Showgirl’ atanga a single a ni a, a album pawh hi Billboard 200 (US albums) chart-ah kar 12 a No.1 thei a, Billboard history-ah zaithiam album kar 10 chin No.1 ni thei leh album-a hla singles chart-a kar 10 chin No.1 thei awmna ni nghal bawk pangana a ni.
Billboard 200 chart hi kar khat chhunga US-a hla lar dan tehna niin, chart ranking siam nan hian all-genre US streaming (official audio leh official video), radio airplay leh sales data te chu tehna pawimawh a ni. ‘The Fate of Ophelia’ hian kar khat chhungin stream maktaduai 18.4, radio airplay ngaithlatu maktaduai 62.1 leh sales 11,000 a la nei thei a, hei hi a kar 10 nan chart-ah a No.1 pui leh ta a ni.
Swift hian he chart-a No.1 kai thei hla 13 nei tawhin, he chart-a No.1 kai thei hla ngaha palina niin, chung hla 13 te No.1 hun chhung belhkhawm chu kar 46 a tling tawh a, he chart-a No.1 nih rei theihah Beyonce nih rualin, pasarihna a ni bawk.
Chart No.1 hlui pahnih, Alex Warren ‘Ordinary’ leh Morgan HUNTRIX “Golden” ten ‘Ophelia’ hi dawtin, No.2 leh No.3 an ni a, Olivia Dean “Man I Need” chu No.4-ah bawk awm lehin, Ella Langley “Choosin’ Texas” pawh No.5-ah bawk a la awm.
Djo (a hmingtak Joe Keery) ‘End of Beginning’ chuan stream maktaduai 19.1, radio airplay ngaithlatu maktaduai 4.4 leh sales 6,000 neiin, No.16 atangin No.6-ah a invawrh a. He chart top 10-a a lan vawi khatna a ni. He hla hi Netflix series ‘Stranger Things’ final season soundtrack-ah a lang a, hei hian a tilar ta riau a ni.
Kehlani ‘Folded’ chu No.6 atangin No.7-ah a tawlh a, Sombr “Back to Friends” chu No.7 atangin No.8-ah a tawlh a, Taylor Swift “Opalite” chu No.8 atangin No.9-ah a tawlh a, Leon Thomas “Mutt” chu No.9 atangin No.10-ah a tawlh ta bawk.