Taylor Swift-i’n Hollywood-a naupang damdawi in a tlawh
Taylro Swift chuan kar kalta khan Jie DiMaggio Children’s Hospital, Hollywood, Florida a tlawh a, naupang leh damdawi in thawktute a surprise. Swift hian napang damlo leh damdawi in thawktu te hun hmanpuiin, lehkhabu a hming a ziah hnan te pawh a pe a, thla te pawh an lakpui baw.
Damdawi in lam chuan Instagram-ah an damdawi in Swift-i’n a tlawhna thlalak hrang hrang post-in a caption-ah “Hemi hi chu engtikah mah kan theihnghilh tawh lo ang. @taylorswift Jie DiMaggio Children’s Hospital i support-na leh i ngilneihna te avangin kan lawm e. Damdawi in pawh hlimna leh hmun nuamah i rawn chantir a ni,” an ti a, “Kan damlo leh an chhung ten hmangaihna kan tawng a, a boruak duhawm hi rei tak a chambang dawn a ni,” an ti bawk.
Video an post pakhatah chuan Swift-i’n damlo pakhat, Zoe a surprise lai a lang a, chu hmeichhe naupang chuan rin loh taka Taylor Swift a hmu thut mai chu a ringhlel zawk hial a ni.
Swift chuan, “Taylor ka ni a, kan inhmu chu ka lawm e,” tichungin room-ah a lut a, Zoe khum bulah a thu a. “I tawrh nasat tawh nen a êng zawnga thil i thlir tlat thei hi i duhawm lutuk, i bula awm a nuam si. Ka kuah thei che ang em tih te ka lo ngaihtuah a,” a ti a.
Swift hian damlo room dang a tlawh lehnaah damlo leh a chhungte hnenah a inhmelriattir a, damlo mipa naupang chuan awm ngaihna a hre meuh lo, “Ngawi lawk teh u, ka te chiam thei ang em?” a lo ti.
Swift hian he damdawi ina an Chief of Surgery, Jill Whitehouse pawh a bik takin a kawm a, Jill chuan Instagram-ah, “Khawvela ka mi tawn ve tawh zinga mi ngilnei ber te zinga mi a ni. Kan damlo leh an chhungte bakah thawktute duhthusam i rawn tihpuitlin avangin #taylorswift kan lawm e,” a ti.
Taylor Swift-i’n Hollywood-a naupang damdawi in a tlawh
Get real time updates directly on you device, subscribe now.
Prev Post
Next Post