Taylor Swift ‘The Fate of Ophelia’ a la No.1 Michael Jackson-a’n Billboard Hot 100 chart record a siam
Kum 2009-a boral tawh, Michael Jackson hla hit ‘Thriller’ hi No.32 atangin No.10-ah a invawrh a, he hla hi a thlensan lai ber, 1984 khan No.4 a lo kai tawh bawk. Tihian, Jackson hian 1970s, 80s, 90s, 2000s, 2010s leh 2020s-ah te chart top 10-ah lang thei hla a nei ta a, zaithiam kum 60 chhung, kum 10 bi tina chart top 10-a lang thei hmasa ber a ni ta a ni.
Michael Jackson hi soloist anga Hot 100 chart top 10-a a lan hmasak ber chu November 1971 kha niin, ‘Got To Be There’ chu chart top 10 a kaipui a, heta tang hian Hot 100 chart top 10-a lang thei hla 30 a nei zui ta a, chung zinga hla 13 chu chart No.1 a kai nghe nghe a ni. Jackson hi 2009-a a boral hnu khan Drake hla ‘Don’t Matter to Me’-ah featured artist angin 2018 khan chart top 10-ah langin, chu chu top 10-a a lan hnuhnun ber niin, tunah a rawn lang leh ta a ni.
Michael Jackson hi soloist ni lo, group ang chuan, mipa naupang kum 11 mi chauh a nih laiin a telna, an unau group, Jackson 5 chu December 1969 khan an hla ‘I Want You Back’ avangin chart top 10-ah an lang tawh bawk a, group anga top 10-a a lan hi chhiar tel phei chuan kum 10 bi then sarih-ah chart top 10-ah a lang thei hial a ni.
Taylor Swift ‘The Fate of Ophelia’ a la No.1
Michael Jackson-a’n Billboard Hot 100 chart record a siam
Taylor Swift ‘The Fate of Ophelia’ chu Billboard Hot 100 (US singles) chart-ah a No.1 a, he chart-ah hian kar nga a No.1 tling ta, Swift hla he chart-a No.1 kai thei 13 zinga kar nga chin tal No.1 ni thei pathumna a ni. Swift hla he chart-a No.1 ni rei thei ber chu ‘Anti-Hero’ niin, 2022 khan kar riat a No.1 a, ‘Blank Space’-in dawtin, 2014 khan kar sarih a No.1.
Hetihrual hian Halloween an hmang zo deuh chauh a, Halloween laiin Michael Jackson hla ‘Thriller’ a lar thar leh a, Michael Jackson thih hnuah he hla hi No.32 atangin No.10-ah a invawrh thar leh ta a, Jackson hi kum 10 bi- 1970s, 1980s, 1990s, 2000s, 2010s leh 2020s-ah te chart top 10 a kai thei hla nei vek thei a ni ta a, zaithiam zingah kum 60 chhunga kum 10 bi tinah Billboard Hot 100 chart top 10 a lang thei hla nei thei hmasa ber a ni ta a ni.
Billboard Hot 100 chart hi kar khat chhunga US-a hla lar dan tehna niin, chart ranking siam nan hian all-genre US streaming (official audio leh official video), radio airplay leh sales data te chu belhkhawm thin a ni.
Taylor Swift ‘The Fate of Ophelia’ hian kar khat chhungin US-ah stream maktaduai 27.4 leh radio airplay-ah ngaithlatu maktaduai 59.2 bakah sales 29,000 a la nei thei a, hei hi a kar nga nan chart-ah a No.1 pui leh ta a ni.
‘The Fate of Ophelia’ hla awmna album ‘The Life of a Showgirl’ pawh Billboard 200 (US albums) chart-ah a la No.1 a, Taylor Swift hi heng chart pahniha album leh hla tihchhuah atanga a kar hmasa lam a ruala kar nga chhung No.1 thei ve ve awm chhun a la ni.
Chart No.1 hlui, kar riat chhung No.1 ni thei, KPop Demon Hunters soundtrack HUNTRIX “Golden” chu No.2-ah bawk awm lehn, kar 10 chhung he chart-a No.1 ni thei Alex Warren ‘Ordinary’ pawh No.3-ah bawk a la awm a, Swift hla dang ‘Opalite’ chu No.4-ah bawk a la awmin, Olivia Dean ‘Man I Need’ pawh No.5 a la ni a, Justin Bieber ‘Daisies’ pawh No.6-ah bawk a la awm.
Kehlani ‘Folded’ chu No.7-ah bawk la awmin, Leon Thomas ‘Mutt’ chu No.10 atangin No.8-ah a insawn a, Morgan Wallen “I Got Better” chu No.9-ah bawk a la awm.
Michael Jackson ‘Thriller’-in stream maktaduai 14, radio airplay ngaithlatu maktaduai 9.3 leh sales 3,000 nei lehin, chart No.32 atangin No.10-ah a invawrh thar a, chart top 10 khartu-ah a tang ta a ni.