Taylor Swift ‘The Fate of Ophelia’ hmalam hun a la êng

Taylor Swift hla thar ‘The Fate of Ophelia’ chu Billboard Global 200 chart-ah a No.1 a, he chart-a kar hnih a No.1-na niin, a hmalam hun a la êng tha viau a, kar hnih khat dang chu a la No.1 chhunzawm zel theiin a rinawm. Hetihrual hian JISOO leh ZAYN te hla thar ‘Eyes Closed’ chu top 10-ah a debut bawk.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official-only streams (subscription leh ad-supported audio leh video music services) leh download sales te chu tehna pawimawh a ni.
Taylor Swift ‘The Fate of Ophelia’ hi stream-ah a kar khatna aiin 36%-in tlahniam tawh mah se, stream maktaduai 139.8 a la tling a, sales hi a kar khatnaah Swift hian a album-a hla te a malin a hralh loh avangin, streaming ringawt hmangin No.1-ah a debut kha a ni a, a kar hnihnaah chuan a hla hi a malin an hralh chhuak tawh a, 20,000 a kai nghal.
Tunkar Billboard Global 200 chart top 10-ah hian Taylor Swift hla pariat a lang thei a, Swift hla ni lo chart-a lang thei te chu chart No.1 hlui hla pahnih, KPop Demon Hunters soundtrack HUNTRIX ‘Golden’ leh Alex Warren ‘Ordinary’ te an ni. ‘Golden’ hi chart-ah kar 12 a No.1 thei a, kar kalta khan No.1 atangin No.5-ah a tawlh a, tunah No.5 atangin No.2-ah a invawrh leh ta a. Alex Warren ‘Ordinary’ pawh hi chart-a kar 10 No.1 ni thei niin, chart No.14 atangin No.6 a rawn kai thar leh ta a ni.
Billboard Global 200
Top 10:
No. 1, “The Fate of Ophelia” – Taylor Swift
No. 2. “Golden” – HUNTRIX
No. 3. “Opalite” – Taylor Swift
No. 4, “Elizabeth Taylor”- Taylor Swift
No. 5, “Father Figure”- Taylor Swift
No. 6, ‘Ordinary’ – Alex Warren
No. 7, “Wi$h Li$t”- Taylor Swift
No. 8, “The Life of a Showgirl,” feat. Sabrina Carpenter – Taylor Swift
No. 9, “Wood”- Taylor Swift
No. 10, “Actually Romantic” – Taylor Swift