TB damdawi thar inhrilhfiah
Chief Medical Office Aizawl West-ah Multi Drug Resistant TB thar – BPaLM leh TB preventive therapy chungchangah National Tuberculosis Elimination Programme hnuaia District TB officer leh staff-te an training.
BPaLM hi damdawi hrang hrang pali ei chi – Bedaquiline, Pretomanid, Linezolid, Moxifloxacin inpawlh niin, Multi Drug Resitant TB (MDR-TB) natna enkawlnana damdawi siamthar a ni. Union Health ministry chuan tunah a kalpui mek a. Hetah hian TB damdawi thar Pretomanid hman a ni bawk.
MDR-TB damdawi hman pangngai hi kum hnih dawn ei a ni a. He damdawi combination thar BPaLM hi chu thla 6 chhung ei a ni. A damna rate (success rate) pawh a sang hle tih sawi a ni.
MDR-TB damdawi hman pangai aiin a that zawk bakah, ei chhung a reilo zawk dawn a. Side effect nasa awm thin pawh he damdawi tharah chuan awm tlem zawk tura ngaih a ni.
MDR-TB damdawi hi India rama MDR-TB damlo mi 75000 velin an chhawr tangkai dawn tih sawi a ni a. Mizoramah pawh MDR-TB enkawl mi 150 vel an awm a ni.
TB damdawi thar inhrilhfiah
Get real time updates directly on you device, subscribe now.
Prev Post
Next Post