Tennis result thenkhat

Tennis result thenkhat
Nilaini khan ruahin a bumro kara Thailand Open singles match khelh theih chhunah German mi Laura Siegemund chuan darkar li leh minute kaw chhungin fifth-seeded Xiyu Wang of China lakah 7-6 (3), 4-6, 7-6 (1) hnehna a sualchhuak hram a; he match hian WTA Tour Open Era-ah inkhelh hun chhung awh rei palina luah chho.
Siegemund-te inkhel hian kum 2011 Australian Open-a darkar li leh minute 44 chhunga Francesca Schiavone laka 6-4, 1-6, 16-14-a Svetlana Kuznetsova 6-4, 1-6, 16-14 tlawm hun chhung rei zawng kha a khum ta a ni.
Nilaini vek khan Korea Open lamah Russian nula Veronika Kudermetova chuan a chipui second-seeded Liudmila Samsonova lakah 6-4, 6-2 hnehna changin Seoul khaw tournament liana a laizawn Polina hnungzuiin quarter-final a lut.
Russian fourth-seeded Diana Shnaider pawhin last 16 inkhel dangah minute 64 lek chhungin Carol Zhao of Canada lakah 6-3, 6-3 hnehna a chang a; fifth seed Marta Kostyuk of Ukraine pawhin minute 75 chhungin Great Britain player Heather Watson chu 6-2, 6-2-in a vaw tla.
China-ah pawh Nilaini tho khan Taro Daniel chuan match 11 a tlawm zawn tawh hnuin Chengdu Open first round an paltlang ve ta nawlh!
Japanese Taro hian 6-4, 7-5-a sixth-seeded Lorenzo Sonego hnehin, kumin April thla Mutua Madrid Open-a a chak hnuah tun hi hnehna a chan leh vawikhatna a ni.
Hangzhou Open lamah Nilaini vek khan hliam avanga tun season pumpui chawl tluan titih tawh Marin Cilic chuan khelmual a rap leh thei ta a, kumin February thla hnu lama ATP Tour match a khelh leh vawikhatnaah 5-7, 6-3, 6-0-in Zachary Svajda a hneh.
Tunthla tawp lama kum 36 tling chho ve tawh tur Croatian Cilic hian tour title 20 la tling tawhin, a vanglai kum 2018 laihawlah khan world ranking-ah No. 3 hial a luah pha ve a ni.