Texas-a sabereka khuangkaih lak mi 78 thi tawh
Zirtawpni kal taa Texas lailia sabereka khuangkaihin a lak avanga thi chu mi 78 an ni tawh a, mi 41 chin hriat lohvin an la awm mek.
Naupang 28 telin mi 68 hi Kerr County-a lui kama Christian girls’ camp neihnaa tel tuiin a lakte an ni a. Camp Mystic-a tel hmeichhe naupang 10 leh counsellor chu an chin an la hre lo.
Thuneitute chuan thi hi an la pung thei tih an sawi a, ruah hi ni hnih vel la sur chhunzawm tura ngaiin hei hian chhanchhuah hna a tibuai thei dawn niin an sawi a. Chirh leh hnawl tam tak karah rul hlauhawm chi a tam bawk niin an sawi.
Tun hnaia Texas-a mi zawn beihpui thlakna lian ber pakhat tlingah hian ni thum chhung mi zawn hna thawh a nih hnuah chhanchhuahna lamah inher hret a ni ta bawk.
Kerr County-a ruang hmuh leh thi zinga 18 leh naupang 10 chu tute nge an nih hriat theih an la ni lo.
Chin hriat lohte zawna an thawh nasat ber hi Guadalupe River-a neih thin hriat hlawh tak, Camp Mystic-a tel hmeichhe naupangte nipui camp-a telte an ni a. A hmunhma pawh a chhe nasa hle.
Zirtawpni tuk khaw var hma, an muttui lai takin lui hi minute 45 lek chhungin feet 26 zetin a chim sang hman a. Thi zingah hian camp-a rei tak director lo ni tawh, Richard ‘Dick’ Eastland pawh a tel.
Camp-ah hian eng zat chiah nge awm leh mi eng zat nga tui lianin a lak hi an la hre hleithei lo.
President Donald Trump-a chuan Pathianni khan Kerr County-ah chhiatna lian a thleng tih puangin Federal Emergency Management Agency chu Texas-ah an lut dawn a. Amah pawhin Zirtawpniah tlawh a tum.
Khawvel hmun hrang hrang atangin chhiatna thleng pawi tih thu leh tawrhpuina thawm a ri a. Pope Leo XIV chuan Pathianni khan Rome-ah an pualin tawngtaina hun a hmang nghe nghe.
Get real time updates directly on you device, subscribe now.
Prev Post
Next Post