Texas-a sabereka khuangkaihin a lak mi 51 thi tawh

Texas-a sabereka khuangkaihin a lak mi 51 thi tawh
Texas lailia sabereka khuangkaihin a lak avangin naupang 15 telin mi 51 an thi tawh a, chin hriat loh eng emaw zat zawn hna thawkin chhanchhuah hna thawktu za rual an la buai hle bawk.
A tuar na ber chu Kerr County niin River Guadalupe lian thutin Kristian thalai camp neih a hnawl avangin mi 43 thi an awm a, naupang 27 chin hriat lohvin an la awm.
“Kan thawk mek a, hmuh kim an nih hma chu kan kan thawk zel ang,” tiin Ker County sheriff Larry Leitha-a chuan a sawi.
State chhung hmun dang, Travis County leh Tom Green County-ah pawh thi an awm tih sawi a awm a. Texas lailiah hian hmun hrang hrangah sabereka khuangkaih a thleng a, mi 850 chuang chhanchhuah an ni tawh.
Inrinni chawhnu (India-a Pathianni chawhma)-a thuthar lakhawmtute a kawmnaah Texas Governor Greg Abbott-a chuan mi zawn hna thawh chak a nih theih nan chhiatna thlenna hmun tia puan chu tihzauh a ni dawn tih a sawi.
Chhanchhuah hna thawktute hian Guadalupe River dung an suartluan a, mihring zawn hna an thawk.
US President Donald Trump-a chuan a sorkar chuan tual chhung thuneitute biain a theih ang angin an thawhpui tih a sawi.
Khawchin zirtute chuan Texas lailiah hian tui a la lian chhunzawm thei tih an sawi a. National Weather Service (NWS) chuan Inrinni khan ruah inches 2-5 an dawng niin an sawi.
Chhanchhuah hna thawh mekah hian beihpui an thlakna ber chu hmeichhe hlang telna, Guadalupe River kama Camp Mystic tia an sawi, Christian summer camp neiha tel tuiin a lakte an ni.
Texas Lieutenant Governor Dan Patrick chuan chin hriat loh 27 zinga a tam ber chu kum 12 hnuai lam niin a sawi a. An camp-na hmun thlalak thehdarhah chuan an blanket, mattress, teddy bear leh an bungraw dangte chu chirhin a bawh nasa hle.
Zirtawpni zing hma taka feet 26 chuanga sanga lui tui a len lai hian an muttui lai a ni a. Nu leh pate chuan camper 750 vel an awm niin an sawi a, Camp Mystic hian chiang takin a zat an la sawi lo.
Naupang thite hi tute nge an nih hriat a la awm tam lo va, thenkhat erawh kum riat mi lekte an ni.
Pathianni (India-a Thawhtanni zan) hian Notre Dame Catholic Church-ah thi, chin hriat loh leh an chhungte pualin Mass buatsaih a ni ang.

Get real time updates directly on you device, subscribe now.

Leave A Reply

This website uses cookies to improve your experience. We'll assume you're ok with this, but you can opt-out if you wish. Accept Read More

Приключеният на Слонът и неговите Пъзелът с моста: как да Интелектуално предизвикателство: Намиране Интелектуалната разлика между двамата дядовци: разгадайте загадката на Болгарския език Разгадайте загадката на морския капитан: освенете Изумителна головоломка: Намерете 35 уникални жаби за 8 секунди! Изпитайте своите способности с пъзел за вундеркинди на български език Търсене на хитрия петел: предизвикателство за Интелигентните хора разгадават хитрата илюзия: влияние на интелекта върху броя