Tha leh changtlung zawka mipuiin power supply kan hmuh theih nan chak zawka hma la turin Congress treasurer Dr. Lalmalsawma Nghaka chuan Power & Electricity hotute a ngen.
MPCC treasurer hian party hruaitu dangte nen Ningani khan P&E chief engineer an hmu a. Fur khaw chhiat laia thli leh ruahin electric line a tih chhiat avanga theihtawp chhuaha a siamthat hna thawk a, eng kan neih theih nana thih ngam lupu a, electric bana lawna siamthat hna thawktu department-a thawktute chungah lawmthu a sawi a.
Chutihrualin, Zoram hmun hrang hrangah eng kan nei chhe lutuk chu a ngaimawh tih sawiin, Aizawl khawpui chhung ngeiah pawh veng thenkhatah chuan nikhatah vawi 10 chuang eng a thih thin thu leh electric hmanga eizawng chi hrang hrang, chhungkaw engemawzat a nghawng a; electric eng tha zawk kan neih theih nana hma la turin a ngen tih a sawi.
Electric hmanga eizawng chhungkaw tam takin eng an hmuh that loh avanga an eizawnna bakah an khawl neihchhun ang angin a chhiat phah niin Congress hruaitu hian a sawi a. Eng hi chhe hle mah se, eng chhit man a hniam phah lo chu mak a tih thu sawiin, hemi chungchangah pawh hian hma laksak turin chief engineer hi a ngen a ni.
Tha leh changtlung zawka power neih theihnan thlen
Get real time updates directly on you device, subscribe now.
Prev Post
Next Post