Thalai mize mila inherrem a tul – R Lalzirliana

Politics leh kohhran huang chhungah pawh thalaite mize mila kal thiam apiang an dingchang tawh tih MNF adviser R Lalzirliana chuan a sawi.
Zirtawpnia MNF office – Mizo Hnam Run inkhawmah R Lalzirliana chuan tun dinhmunah chuan politics a ni emaw kohhran huangchhungah pawh thalaite mize mila kal thiam apiang an dingchang tawh a, an rilru leh ngaihtuahna zawng zawng chu thalaite rilru mila inherrem thiam a pawimawh tawh tih a sawi.
“Tun inthlana ZPM tlin chhan kha ZPM that bik leh tam bik hrim hrim vang niloin, ruling chetchhiatna lai an hmuh leh hriatte kha an kher peih em em a, an vawrh nasa a, kha khan mi rilruah nasa takin hna a thawk a ni,” a ti.
2023 MLA inthlanah zawlnei leh thlaraumi intite thupuan a diklo nasa tih MND adviser hian a sawi a. Pathian chu tawngkam mai ni lo, thinlung zawng zawnga tih mi a ni tih a sawi. MNF insiamthat leh thuai theihna tur chuan thawktu zawng zawng an chaklohna lai inenfiah a ngai, tiin, kawng engkimah Pathian rawn chung zela kal a pawimawh a, ‘Pathian leh kan ram tan’ titu party chuan thinlung leh tih takzeta Pathian lam kan hawi reng a tul tih a sawi