“Modi sorkar hian independent economic report Citigroup te ang tena unemployment chungchang an sawi dan an hnial a ni thei a, mahse government data chu an pha thei lo” tiin Kharge chuan report hrang hrangte a sawi lang a.
“Thudik chu Modi sorkar hian tun hnai kum 10 chhungin thalai vaibelchhe tel te dream tihchhiatnaah mawh a phur a ni,” tiin a sawi a. Kharge chuan sorkar data thar ber chuan sorkar insawithiamna te a hnawl vek a ti bawk.
NSSO’s (National Sample Survey Office) tena manufacturing sector a Annual Survey of Unincorporated Sector Enterprises an neihah kum 2015 atanga kum 2023 inkar chhung khan unincorporated units-ah hna 54 lakh chuang hloh a ni tiin Kharge chuan a sawi a.
“Kum 2010-11 khan unincorporated, India ram hmun hrang hranga non-agricultural enterprise ah hna nei 10.8 crore employee an awm a, kum 2022-23 ah 10.96 crore niin a punna hi kum 12 chungin 16 lakh chauh a ni” a ti a. Kharge chuan a thulakna chu Periodic Labour Force Survey (PLFS) thar ber a nih thu sawiin urban unemployment rate chu 6.7% (Q4, FY24) a ni mek a ti bawk.
“Modi sorkar hian Formal sector a employment generation chu EPFO data hmangin a pholang a, chu chu thudikah ngaihsak ta pawh ni ila, kum 2023-ah hna thar tlakhniamna chu 10% a la ni tho” tiin Kharge chuan a sawi bawk.
IIM Lucknow ten sorkar data an zirchian hnuah lehkhathiam zingah unemployment a sang em em a, hmeichhia hnathawk an tlem zual zel bawk tiin Kharge chuan a sawi bawk a.
Narendra Modi sorkar chuan independent economic report hi an hnawla a chhan ber pawh an tihdik loh hailanna a nih vang a ni tiin a sawi bawk.
“ILO report ang chuan India rama thalai 83% te chu hna nei lo an ni a. India Employment Report 2024 chuan kum 2012 leh 2019 chhungin thalai 7 crore ten labour force an zawm a, mahse, employment growth zero ni thungin – 0.01% chauh a ni” tiin Kharge chuan a sawi bawk.
Azim Premji University report a India rama kum 25 hnuai lam graduate 42.3% in hna an nei lo tih chu a tarlang bawk a. “Citigroup report thar berah India chuan kumtin hna 1.2 crore a siam angai a, GDP growth 7% pawh ni se thalaite tan hna a siam tawk dawn lo bawk a. Modi sorkar hnuaiah chuan GDP growth 5.8% chauh a ni bawk si” tiin Kharge chuan a sawi bawk a.
“Sorkar hna emaw, private sector, self-employment emaw unorganised sector pawh ni se NarendraModi sorkar in mission a neih awm chhun chu ‘thalaite hna nei lova siam a ni’ tawp” tiin Congress leader Mallikarjun Kharge chuan a sawi bawk.
“Thalaite hna nei loa siam hi Modi-a tum”
Get real time updates directly on you device, subscribe now.
Prev Post