Thawmhnaw lum leh mutbu thawn

Manipur tualchhung buaina avanga harsatna tawk mek Manipura Zohnahthlakten thlasik khawvawt an tawrh mek a tih ziaawm theih beiseiin Central YMA chuan Inrinni zing khan truck lian chi pathumin Lamka-a Manipur Group YMA hruaituten a mamawhtute hnena an sem darh turin a thawn.
Mutbu lum leh thawmhnaw lum thawn hi Central YMA ngenna anga Aizawl khawpui chhunga YMA branch 30-in an branch huamchhunga theuha an khawn, Central YMA office-a an dahkhawm a ni a. Central YMA hruaitute bakah Tuikhuahtlang Branch, Khatla Branch leh Tuikual North Branch ten thuamhnaw hi truck-ah hnatlangin an load a ni.
Central YMA chuan thawmhnaw thawn nan hian Rs. 2,10,000 a seng a ni.