Thazual Awards sem ta
10th |hazual Awards chu Dawrpui Multipurpose Centre-ah zan hnih hun an hmang an sem ta a, a zan khatnaah Gospel rimawi lama award semin, a zan hnihnaah Lengzem award an sem ve thung.
|hazual Awards hi nikum hmasa thleng kha chuan Music Domain Mizoram (MDM) leh Zonet tangkawpin an sem thin a ni a, nikum award atang khan Zonet-in an kengkawh ta deuh a, huang zauhin MDM artist chauh lo te pawh an huam tel ta a ni.
Kumin |hazual Awards-ah hian Jonathan Lianhna langsar berin award pathum a dawng a, mimal angin award pahnih- best male artist gospel leh song of the year (Ka pawn lam lan dan) bakah best music video ‘Beiseina’ avangin M Space, Malsawma Fanai, Zorema Khiangte leh Uncle Joe te nen an dawng bawk.
Lengzem lam Lilac leh Young Fella ten award pahnih ve ve an dawng a, Lilac hian best female artist bakah band of the year a dawng a, Young Fella ian best male artist bakah Mary Dawngi nena an thawhdunna ‘Duhsaisam’ avangin song the year a dawng bawk.
Gospel Awards dawngtute:
Best New Artist Gospel : Laldinsangi
Best Male Artist Gospel : Jonathan Lianhna
Best Female Artist Gospel: Zoramchhani
Best Group/Duo Gospel : Seraphic Choir
Best Music Video Gospel : Beiseina (M Space Malsawma Fanai Jonathan Lianhna, Zorema Khiangte & Uncle Joe)
Best Songwriter Gospel : Israela Pachuau
Song of the Year Gospel : Ka pawn lam lan dan – Jonathan Lianhna
-- Advertisement --
Lengzem Awards dawngtute:
Best New Artist Lengzem : Zothana
Band of the Year : Lilac & Jacks
Best Group/Duo Lengzem: Aengi & Rosalyn
Best Pop Artist Lengzem : Mendal
Best Music Video Lengzem: Lengi (Siampuii Ralte & Reuben Lalmalsawma)
Best Male Artist Lengzem: Young Fella
Best Female Artist Lengzem: Lilac
Best Songwriter Lengzem: H.O.M
Song of the Year Lengzem: Duhaisam (Youngfella x Mary Dawngi)