Thenzawla sangha dil siam mek endik

Thenzawla sangha dil siam mek endik
Thenzawla sangha pui dahkhawmna leh a chi/note siamna tur buatsaih meka hnathawh chu Ningani khan Mizoram State Project Monitoring Committee (MSPMC) chuan an vice chairman R Lal Rinawma kaihhruaiin an endik a. Sangha dahna tur dil hrang hrang – rearing tank leh nursery tank siam bakah building sak tharte a hmunah an enfiah.
Endik zawh hian thukhawmin, hnathawh tha tawk lo lai an hmuhte an sawi a. MSPMC vice chairman chuan sanghaa kan intodelhna turin hmachhawp lian tak an nei tih Fisheries department hotute a hrilh a.Thahnemngai tak leh tih takzeta thawk a, a hlawhtlin ngei theihna’n hma la turin a chah. Brood Banks a hlawhtlin a, a kalzelna tur atan visionary plan tha an neih a pawimawh tih a sawi a ni.
Fisheries joint director Zonuntluangi chuan Mizoram State Project Monitiring Committee-in Brood Banks a hmuna an tlawh a, hma an lak zelna tur thurawn an pe chu lawmawm a tih thu sawiin, an thurawn pek chu theihtawpa an bawhzui tur thu a sawi a ni.