Thianpa kahhlum thup tumtu hrem

Champhai Addl District & Sessions judge Sylvie Z Ralte chuan an ram vahnaa a thianpa kaphlum palh a, a ruang ramhnuaia phumtu chu thiam loh chantirin a hrem.
Thudawn danin, 2018 March 23 khan Champhai district Hmuncheng khua ami Lalbiaknia leh a thianpa Lawmkima chu sa changin an ramvak a, Lalbiaknia hian a thianpa hi sa emaw tiin a kap palh a, ka pawh chhawn lohin a thi. A pawikhawih palh thup tumin a thianpa ruang hi a phum bakah a silai leh iptepui a thuhruk sak a, khaw lamah a haw a ni.
A thianpa awmna a hriat loh thu leh a hawsan thu a sawi a. Ni 5 chhung khawtlangin an zawn hnu ah a ramvahpui pa hi rinhlelh a kai tak em avangin police-in la in thu an zawtfiah a, police hmaah inpuangin March 28 khan Lawmkima ruang hi a phumna atang hian phawrh a ni.
Court hremnaah hian, tum reng vang ni loa tualthah thubuaiah kum hnih lung in tang turin, pawikhawihna hnuhma thup leh tihchhiat tumnaah kum hnih bawk tang tur leh, license nei loa silai kawl thubuaiah kum 3 tang turin a hrem a. Tihpalh thil leh pawikhawihnaa thubuai la nei ngai lo a nih avangin, ngaihnatthiamna sang tak neiin, a khaikhawmnaah kum 3 chhung lung in tang a, Rs.2000 chawi turin a a hrem a ni.