Thihchilh pawl chetnaah Pakistan mi pariatin nunna chan

Pakistan-a North Waziristan a thihchilh pawlte bomb tihpuah avangin mi pariatin nunna an chan a, an zingah hian police pali an tel.
Mir Ali Tehsil-a Eidak area a pawikhawihna thleng hi police post pakhat chauh a nih thu sorkar chuan a sawi.
A hmunah hian sipai tam zawk tirh nghal niin, hnuchhui hna an thawk nghal a, hliam tuarte pawh hmun himah lak nghal niin, enkawl tha tak pek nghal vek an nih thu sawi a ni bawk.
Pakistan chuan kum 2021 atanga an thenawm Afghanistan a Taliban in thuneihna an chan leh hnuah an ramchhunga hel pawlte chetna a hluar leh hle tawh nia sawiin, beihpui an thlak reng tih an sawi thar bawk.
He thihchilh pawl thiltih hi eng hel pawl mahin an tih niin an la chhal lova, tun hnaia China nena an inkar tihchhiat tumtute chetna bawk nia an ngaih thu Lahore chuan a sawi.