Thing mistiri rate Rs.800 – MMA

Thing mistiri rate Rs.800
– MMA
Thing mistiri-ten ni khata an hlawh zat atan Rs.800 aia hniam lo bak chu an pawm thei lo tih an inzawmkhawmna pawl chuan an sawi.
Mizoram Mistiri Association (MMA) thuchhuak chuan, tunhnaia village council thenkhatin an huamchhungah mistiri chhawr man Rs. 700- 750 aia sang loa thawk turin hriattirna an tichhuak tih sawiin, Mizoram sawrkarin a hnathawkte hlawhbi a siam danah mistiri (carpenter) a chhawr dawnin skill-I category, Group ‘C’ level-ah a dah a. Labour (LESDE) department hnuaia construction works minimum wages rate mila rawih an ni tih a sawi.
Minimum Wages Committee-in rate hniam ber (minimum) aia hniama chhawr loh tur tih a nih thu leh, LESDE-in 2023 April 1-a notification a chhuah ang chuan skill-I hian Rs. 730 aia hniam a hlawh tur a ni loa, sawrkarin a chhawrin mistiri chuan kutruakin a thawk chhuak mai thin tih a sawi bawk.
‘Hemi ang hian thawk thei kan ni loa. A hmanrua (tools) kan intum vek thin thin avangin MMA General Assembly 2018-a thu pass chuan mistiri ni khat hlawh hi Rs. 800 (minimum) nise kan ti a. Hmanrua engkim a intum vek tur tih a ni. Hetiang hian mistiri chuan thawk thin tur leh khawtlang hruaitute pawhin min lo hriatpui a, an khawchhunga mistiri-te hlawh chungchangah MMA duh anga lo rem tihsak turin kan ngen a ni,’ a ti.
Thil man to zel leh hmaraw man to zel avangin mistiri Rs 800 aia hniama hlawh tura VC thenkhat thu chhuah chu an pawm thei loa, mistiri chu a thiamna leh a hmanraw hman dan azira Rs. 800 aia sanga an chhawr thei a nih chuan an inbiakremna a ni mai tih an sawi a ni.