Thingtlang lam kawngpui
siamna tur project hawng
Bihar chief minister Nitish Kumar chuan zirtawpni khan an state rural works department (RWD) in kawngpui an siamthatna tur project cheng vaibelchhe 8,837.77 chu hawngin, lung a phum.
Chief minister chuan state chhunga thingtlang lam kawngpui leh lei bakah, lirthei tlan nawmna tur kawngpui hrang hrangte chu an ngaipawimawh hle tia sawiin, chumi atan chuan he project pawh hi nei an nih thu a sawi.
RWD hnuaia hnathawh tur project hrang hrangte hi 6,199 a ni a, hemi atan hian cheng vaibelchhe 8,837.77 hi dah a nih thu CM chuan sawiin, thingtlang lam hmasawnna chu an ngaihpawimawh a nih zel dawn thu a sawi bawk.
Project hawnna leh lung a phumnaah hian Nitish Kumar chuan hnathawktute zawng zawng chu huntiam chhunga zo ngei turin a hriattir a, an hnathawh dan chu official ten an enfiah fo tur thu sawiin, enkawl chhunzawm zel kawngah pawh sorkar chuan hma a la dawn tih a sawi a ni.
Chief minister in project hawnna leh lung a phumna hunah hian RWD minister Ashok Choudhary, chief secretary Amrit Lal Meena, Additional chief secretary of RWD Dipak Kumar Singh leh state sorkar a official pawimawh engemawzat an tel.
Thingtlang lam kawngpui siamna tur project hawng
Get real time updates directly on you device, subscribe now.