Thirsakawr tlan kawng tura ruatah kawng dan a ni dawn

Thirsakawr tlan kawng tura
ruatah kawng dan a ni dawn
Tunkar Zirtawpni leh Inrinni hian Republic Veng leh a chhehvel hmun thenkhatah thirsakawr tlan – Red Bull “Tlang Ruam Event (Urban Downhill Mountain Biking Event)” neih a ni dawn a. Harsatna a awm lohna turin senior SP Traffic chuan an tlan kawng tura ruahman saah hian an tlan laiin lirthei leh mihring kal theih loh turin hawng dan a ni dawn tih mipui a hriattir.
Sawrkar hriattirna dinglai leh danin thuneihna a pek angin senior SP Traffic chuan, October 25 (Zirtawpni) chawhma dar 11.00 – 11.45 chhungin Pi Pangi Peng Republic Veng leh Republic Veng Community Hall inkar kawngpui bakah chawhnu dar 12.15 atanga 12.45 chhungin College Veng junction atanga Routmoi Stand, Republic Vengthlang inkar kawngpui dan a ni dawn tih a sawi.
October 26 (Inrinni) ah zing dar 9.30 atanga chawhma dar 11.05 inkar chhungin Pi Pangi Peng Republic Veng leh Republic Veng Community Hall inkar kawngpui hi dan a ni leh anga; chawhma dar 11.55 atanga chawhnu dar 1.15 inkar chhungin College Veng junction atanga Routmoi Stand Republic Vengthlang inkar kawngpui hi dan a ni leh bawk ang.
Heng, kawng khar hun tarlan chhung ni lo zawngah hian a pangngaiin lirthei a tlan theih dawn a. A chunga Upper Republic, Republic Veng, Republic Vengthlang, Venghlui leh ITI veng chhunga inkalpawhna kawng pawh a tul anga dan thin a ni dawn a ni.