Thla 3 chhungin pawikhawih
mi 40 thiam loh chantir
Lunglei district-a pawikhawiha puh zinga mi 40 chu thiam loh chantir an ni tawh tih Lunglei Police chuan an sawi.
Lunglei Police chhinchhiah danin, kumin January atanga March inkar khan police station-a thubuai ziahluh zinga Lunglei District Court-in thubuai a chinfel zingah pawikhawiha puh mi 40 chu thiam loh chantir an ni a. Thubuai ziahluh tam ber hi in rawk leh ruk ruk thubuai a ni.
Kuminah court-in thubuai 29 chingfelin thilsual tia puhte hi hrem turin thupek a tichhuak tawh a. Hmeichhe naupang laka pawikhawihna thubuai pahnih chu POCSO Act Court Lunglei special judge chuan chingfelin pawikhawihtu mi pahnih chu thiam loh a chantir. Hmeichhe naupang laka pawikhawihna thubuai pakhata pawikhawihtu chu kum 10 chhung hrehawm taka lung in tang turin a ti a; thubuai pakhata pawikhawihtu chu kum 20 chhung hrehawm taka lung ina tang tura hrem a ni.
Thla 3 chhungin pawikhawih mi 40 thiam loh chantir
Get real time updates directly on you device, subscribe now.
Next Post