Thla, Sikeisen leh Vanthengreng a lung kehthem hmanga chei sana in record siam

Sana siam lama hmingchher tak Les Ateliers Louis Moinet chuan khawvel pawnlam atanga rawn thlawk lut lung kehthem hmanga cheimawi sana an siam a, meteorite tam berna sana niin, Guinness World Record a siam. He sana-ah hian Thla (Moon), Sikeisen (Mars) leh vanthengreng (Space) atanga meteorite lung 12 an dah tel a ni. Meteroid, kan khawvel atmosphere paltlanga leia rawn tla te hi meteorite an ti a ni.
Louis Moinet neitu leh creative director ni bawk Jean-Marie Schaller chuan an company-in Guinness World Record an siam chu sana siam lama an inpumpekna rah duhawm tak ni a a hriat thu a sawi a, “Kum eng emaw zat rim taka kan thawhna leh thawhpui tha tak tak kan neih zar kan zo a ni. He hlawhtlinna hi a chhuanawm kan ti a, sana danglam tak tak siam tura min fuihphur thar lehzualtu a ni,” a ti.
He sana hi a hmingah ‘Cosmopolis’ an ti a, sana chei nana an hman meteorite-te hi thil vang leh hlu tak niin an sawi. Guinness World Records chuan he sana-a an dah meteorite-te hian Meteoritical Society atangin meteorite an ni ngei tih hriatpuina a nei vek niin an tarlang.
‘Cosmopolis’ hi a man pawh a to veng veng khawp mai, dollar 2,46,901 man a ni a, India pawisa chuan cheng Rs 2,05,51,000 vel man a ni.