Thla thum chuang kawng an khar t

Mizoram leh Myanmar lam inkalpawhna kawng pawimawh, Zokhawthar bula |iau lei chu thla thum chuang an khar ta a, sumdawnna a nghawng hle.
Champhai district-a Zokhawthar hi |iau kama awm a ni a, |iau kam lehlam chu Myanmar niin, Khawmawi khua a ni. An inkar dawh zawmtu lei hi July ni 25 atang khan khar a ni.
Khawmawi-ah hian khawchhak lam atangin bungrua a thleng thin a, bungruate chu lei kanin Zokhawthar-ah thiar phei a ngai thin. Chumi hna chu Khawmawi leh Zokhawthar mipuite eizawnna pawimawh a ni a, kawng an khar tak avangin an eizawnna pawh a tawp ta a ni.
Lei hi customs department lamin July ni 25 atangin khar a ni dawn tih an sawi bak, thu hriat dang an neih loh thu Zokhawthar VC president Lalmuanpuia chuan a sawi.
July ni 25 atangin an khar a, mihring kal tlang chu an phal. Bungraw kal tlangpui an phal lo a, chu chuan insumdawn tawnna a nghawng ta a ni.
“Lei khar hian min nghawng a, mi tam berte eizawnna a tawp a, khuaah sum lengvak a tlem phah a, kan ni tin nun a nghawng khawp mai,” Zokhawthar VC president chuan a ti a, Khawmawi lam pawh a nghawng tih an hriat thu a sawi.
“An hawng hnai dawn lo a ni ang, an hawng hnai dawn lo a ang a, hrehawm kan ti khawp mai,” a ti bawk.
Mihring an inkalpawh thei a, mahse a chang chuan chawhmeh kanna tel saranga khai leu leu tawk lek pawh ken an phal lo thin tih a sawi.
Zokhawthar hi raltlan a sang tel awmna khua a ni a, an VC president chuan raltlan hi 4000 chuang an la awm thu, mahse June thla hnu lamah chuan ziah luh thar an awm loh thu a sawi.