Aizawl khawpuia zawrh tur thlai lakluhna man a to avangin thlai man a san phah nia hriat a ni.
Mizoram Chamber of Commerce & Industries-in Aizawla thlai thar man to chhan a zirchiannaah, tunhmaa bazar bus hmanga thlai thar phurh thin chu traffic tawt lutuk avangin maxi cab-a phurh a ni ta ber a, a phurh man hi a into hleih avangin thlai man pawh a to phah nia hriat a ni.
MCCI president K Lalhmingthanga chuan kum 5 kalta atanga an zirchiannaah Mizoramin hmarchapui leh bawkbawn eikhawp a thar chhuak pha lo a, heng thlai pahnih hi phai lam atanga lakluh a nih avangin a man pawh a to a; hei vang hian a thar hun loh lai pawha thar thei tura hma lak theih a nih an ring tih a sawi a. Horticulture emaw Agriculture department emaw in research nei se an duh tih a sawi.
Sawrkar chuan thil man to tur venna hmanruaah cooperative movement hmang se an duh tih a sawi a. Mizofed chu Consumer Co-operative Federation an nih angin tuialhthei leh eirawngbawlna gas bakah nitin mamawh hrang hrang zawrh chhuah kawngah hma la tel se, an hnathawh chu mipuiin an chhawr nasat lehzual an beisei tih a sawi bawk.
Thlai lakluhna man to vangin thlai man a to
Get real time updates directly on you device, subscribe now.
Next Post