Thlai thar market buaipuitu turten buaipui dan tur inhrilh

Thlai thar market buaipuitu
turten buaipui dan tur inhrilh
Aizawl District Agriculture Marketing Committee buatsaihin Hand Holding Scheme hnuaia thlaithar market buaipui dan tura hriat tur tul chu Ningani khan inhrilh a ni a. Marketing Committee member bakah Aizawl district hnuaia district officer leh block level officer an tel.
Aizawl District Agriculture Marketing Committee chairman, bawrhsap Er Lalhriatpuia’n a kaihruai a. Hand Holding Scheme kalpui dan tur hi Mizoram Agriculture Marketing Board (MAMB) member Vanlalpeka’n a sawifiah. Bana Kaih scheme hnuaia thlai thar buaipui dan tur chu MAMB member H Lalchhanhima’n a sawifiah ve bawk.
Thutkhawm hi AH&Vety minister C Lalsawivunga leh adviser to CM (Finance) TBC Lalvenchhunga ten an hmanpui a. Minister C Lalsawivunga chuan sawrkar chu kuthnathawktute lamtang sawrkar a ni, tiin, intodelh theihna turin theihtawp chhuah tlang turin a sawm a ni.