Thlipuiin Philippines a nuai na

Thlipuiin Philippines a nuai na
Thlipui Man-yi chuan Philippines hmar lam na taka a nuai hnuin reh lam a pan deuh a, mi pathum chin hriat lohin an awm mek thung.
Hmarlam khawpui tam tak chu hnuhma duhawm lo tak he thlipui hian a hnutchhiah a, khawpui chhung power tihtawp lailawk rih niin, nimin thleng khan a hnuhma duhawm lo hnutchhiahte senghawi hna an la thawk a ni.
Thlipui Man-yi hian Philippines hmar lamah hnuhma duhawm lo a hnutchhiat nasa hle a, zirtawpni pawh khan thliarkar hmun tam tak chu a la nuai a ni.
He thlipui hi tum khat mai ni lovin, tum tam tak a rawn thawk niin, thuneitute chuan an sawi a, mi nuai 7 chuangte chu an chenna in tlanchhiatsan ngai khawpin an awm a, hmun himah an awm khawm mek bawk.
Thuneitute chuan chenna in 8000 vel a chhia niin an sawi a, electric lakna tam tak a chhiat avangin khaw za chuangin power an tlakchham mek thu an sawi.