Thosaia phul lem phah hawng

Urban Development & Poverty Alleviation minister K Sapdanga chuan Ningani khan Siaha district Thosaia cheng nuai 420 senga sak artificial football turf a hawng.
Football field tha neih chu thalaite tan chauh niloin nu leh pate tan a hlu hle tih minister hian a sawi a. Tunlaia nu leh pate ti mangang a, ti rumtu ber chu ruihhlo a ni, tiin, “Kan tu leh fate ruihhlo laka min ven sak theitu a ni ngei dawnin ka hria a ni,” a ti.
Thosai field-a phullem phahtu, contractor chu Gallant Sports & Infra Pvt Ltd Gurgaon an ni a. State fund atanga sum hmuh hmanga thawh niin, open tender kaltlangin contractor hi thlan a ni. Phul lem phah bakah RCC hmangin field kualchhuak vekin tuiluan kawr siam a ni a. Field kualchhuak vek bawkin a hungna metre 1.5-a sang siam a nih bakah field bulah vantlang inthiarna tur siam a ni.