Thu tihchhuah tur chi ah journalist-te chauh rin tum

Champhai North leh Champhai South Joint Village Council chuan khawtlanga thil thleng, media-a tihlan ngai chi ah chuan journalist-te hnena hrilh chu duhtawk mai nise an ti.
April 22 zing khan Champhai North Assembly bial leh Champhai South Assembly biala village council-te an thukhawm a. Veng chhunga khuarel chhiatna emaw an duh loh zawng thil a lo thlen palhah, social media-a tarlan ngai chi a awm a nih chuan VC-te leh NGO hrang hrangten journalist-te hnena sawi chu duhtawk mai nise, tiin an rel. Journalist-te chuan a him chin leh mipui hriat tur chin an thlitfim thin thu leh midang erawh chuan thlifim loa an tihchhuah pawp thin avangin, thuthar thehdarh tur chinah fimkhur a tul tih an sawi a ni.