Thisen pek lam sawi ho

Mizoram State AIDS Control Society (MSACS) leh Association for Voluntary Blood Donation (AVBD) chuan Thawhtanni khan Serchhipah thisen pek chungchang hriat tur tul inhrilhna, ‘Blood Donor Motivators Training’ an buatsaih a; Serchhipa kohhran thalai pawl leh tlawmngai pawl hrang hrang aiawh an tel.
Blood bank officer Dr Lalnunhlima Khiangte bakah MSACS assistant director pahnih – F Lalmuanpuii leh Lalhmingliani Pachuau, AVBD Gen.Hqrs. hruaitu pahnih – general secretary Lalrinkima leh finance secretary Jacob Lalruatpuia ten thisen pek chungchanga hriat tur pawimawh an zirtir a; zawhna chhan a nih bakah sawi ho zui a ni.