Tihian i hmangaihna lan tir rawh

I kawppui/ ngaih-zawng chu ‘Ka hmangaih che’ tih hrilh fo la, tawngka mai bakah i tan a special a ni tih a inhriat theih nan chet te pawh thawh ve thin ang che. Chu chuan rah tha a chhuah ngei ang.
1. In pahniha thlakah te khan eng thuziak emaw te han thai vel zauh la. Kha thlalak inlak ni a ihlim zia te emaw, thil dang ziah tur thlum deuh deuh a tam ang. CHu chuan a tihlim khawp ang che u.
2. Puzzle ang deuhin, engtin emaw, ngaihtuah zui leh chhui zui deuh ngai turin hnuhma han hnutchhiah la, a tawpah a han belhkhawm a, “Ka hmangaih che” tih te lo ni se. In hlimpui viau ang.
3. In pahnih atana hla special deuh te thlang chhuak la, a tan liau liau chu hla chu han sak sak chhin teh. A rilru a tihlim viau ang.
4. Zanriah in ei dun a nih chuan a thleng bulah “Ka hmangaih che” tih inziak, a hmuchhuah chawp turin han dah teh. Chaw hmeh tui vak lo pawh a lem duak duak tawh mai ang.
5. Office kal a ni emaw, hna thawh nei a nih chuan a hnathawhna hmunah a chaw chhun tur a rin loh takin han thawn thut teh le. Nangmah ngeiin i pek theih phei chuan a tihchi lehzual ang.
6. Sandwich emaw, thildang eng emaw pawh, ei theih chi, nangma siam ngei kha, love sign ang deuhin han siam la, a ei turin chhawp sak teh. A nui hmel kha a hlu i ti ngawt ang.
7. A kawrah emaw, a purse-ah emaw, a rin loh deuha a hmuhchhuah turin i hmangaih thu i ziah te lo dah ru teh. A hmuh huna a hlim tur zia mai chu!
8. I kawppui/ ngaihzawng chu a zin bo dawn a nih chuan a zinna a ngaihthlak theih turin i aw record la, CD-in emaw a mobile phone-ah emaw dah sak teh.
9. Zingah a thawh hmain tho la, a in en ngei ngeina tur darthlalangah khan “Ka hmangaih che” tih lo ziak teh. Chutiangin khawilai bangah emaw te pawh khan han tar chhin teh. A result i hmu nghal mai ang.
10. A mit tuam sak a, ei tur chi hrang hrang la khawm la, ei tir chhin la, a rin dik apiangin lawmmanah han chuks zauh la. Nuam inti mai mai ngawt ang.