Tlabung khaw dintu tuchhuan ten an pu sulhnu rawn tlawh

Tlabung khaw dintu tuchhuan
ten an pu sulhnu rawn tlawh
Chittagong Hill Tracts superintendent thin, British sipai officer Thomas Herbet Lewien thlahte chuan an pu sulhnu chhuiin Mizoram an rawn tlawh.
Thudawn danin, Mizoten “Thangliana” tia an koh, TH Lewin tunu Anne Taylor chuan Mizorama a pu sulhnu tlawh a duh thin a, an pu pakhatin Mizoram chu hnam kawlhsen tak chenna a nih avangin kal a phal ngai lo a ni. A duhna in a ur thlu ta a, England Cambridge-a cheng Anne Taylor hian Scotland Oban khuaa cheng a fanu Harriet Taylor leh a makpa Joe Salf nen Mizorama an pu sulhnu tlawh turin an rawn chuang chhuak ta a ni.
TH Lewin hi Tlabung khaw dintu nia sawi a ni a, 1871 ah Tlabung hi a thleng nia chhinchhiah a ni. Tun thlengin a sulhnu a la awm nual a, chu’ng zingah chuan kum 1872-a a sak tur Tlabung Dak In pawh tun thlengin hman a la ni.
Mizote ngaina tak a ni a, British sawrkar aiawha Mizoram chhim lam awptu a nih lai hian tlangval a la ni a, Mizo nupui “Darpuii” a nei nghe nghe a ni.
TH Lewin tute hi Aizawl leh Lungleiah an lo dawngsawng a, INTACH Lunglei chuan thilpek an lo hlan a. Tlabungah hian Village Council leh Eco Tourism & Heritage Development Committee-in lo dawngsawngin an pu sulhnu an fanpui a, a chenna thin Sirte Tlang pawh an en a ni.