Tlawmngaia Ram Hmangaih a |ul tak zet ta
C. Vanlal Ruaia
9862569310
A bul thum atangin India Independent dawna Mizo lalte kan ep chiam kha dawn kir chang chuan kan tih sual lian pakhat a ni ve. Kan awm dan kha Ram neitu Mizo Lal te tan a huat thla la ngawt ang. Chu lai hlim thla ti lang tur chuan A Thanglura sawi dan hi lo en i la….
“Kan Mizo Union nawrh dan em em kha chu a hlei hluak deuh chuan ka hria. An hmel han en pawha Pa –mimtui deuh a ngaihtheih meng nu rem rum, heh lip terh turh te Pa hniak lian pui pui ke zung tang kak hek huk, ketin er vek vuk leh chawn sek lian pui pui, ke khi tiar tuar, buh chil nana tha fahran nei hote khan, “Petera haw rawh se,” tia au vin, Aizawl khawpui kawng an zawha an per thum nasa mai a. Petera erawh chuan a pawisa lovin a hlau lo nasa mai a. Mizo Union nawrh laia thil pawi ber mai erawh chu an duh loh zawng mite kha tawngkam duhtui lo leh, a huatthla la thei ang berin an aukhumin an inte Lungin an den sak a, chubakah an ran vulhlai mei te chhawk sakin an Ran hnute hmur te pawh an hlehsak duh hial a ni. Hman lai, kan Sairang Huana kan awmpui Hnuntumi ang deuh pui pui, Nu awng lei luai leh Nu ti deuh treh truh, Chingal fir phuha chhoa han um hleka phuan chuap awm hmel pute pawhin ka theih tak emaw ti niawm fahranin mi thei kung zar leh Fukung te an vai tliak sel sul mai a. Chutih lai chuan Nu hmai vang kaih leih luih, dar sawi pen pun, chawn kiar hiar huar leh hrawl pui pui nei hote pawh khan mi huan Balhla kung tha lai te kha sat chhiain an kherh thlu thuk thuk reng bawk a.. “ Peter-a haw rawh se” tih khan a rawn hring mak viau a ni” tiin. (A Thanglura : Bel keh phuar khawm… p 66-67)
Khatia India Independent dawna Vai thlemna kum 10 hnua chhuak leh mai tura kan han pawm chho kha kan chhuah leh mai loh tur chu Mac Donald-a khan a hre chiang hle chuan a lang. Mac Donald a haw hnu engkim sawngsaw hlawt tawh loh hnu khan ni 14.Aug. 1947-ah Peter ho khan Memorandum an submit ve leh a. Kum 10 hnuah kan duh kan thlang ang, tiin. He mi den chhen hian kum 18 a ral hnu in, kum 1966-ah Independent an sual ta. An sual dan chu a mawlin a zankal hle a. Kan Mizo tlangval rilru la awp zawi loh chuan Vai chu an ngam ngang mai. An huaisen lutuk an thih phah zawih zawih a ni. Martar an hreh lo.
Kum 20 kan do ve hnuin Kum 1986 June-ah Remna Mizoram leh MNF ten remna an ziak a. Mizote remna ziah hi Zofate tawrhna lam pang, ngaihtuah chuan a ho tham hle a. Mizo ten Independent an sual ve hma, Naga hel ten Shillong-a remna (Shillong Accord) an siam pui pawh, a hnu kum 23-a Mizote remna hian a tluk lo tlat a ni.
Ram Muangah kan awm tha duh lo: A lal apiangin, ram muang ber a nih thu an sawi chamchi a, mahse development (Sustainable development) an khawih tha duh miah lo. Mizo Union atang khan a lal apiangin India hnuaia awm hi an sawi mawi a, a lalna changte tan chuan a nuam em a ni. Mahse India Constitution tum ram Equality/ Fraternity /Directive principle of state policy in “Welfare state “ a tum ram kha Mizo mimir nunah chuan kan hlat tual tual a. Eirukna avangin thenawmpa an rawn hausa thut a. |henawm khawveng Nuho an inlungrual lo nghal a. Thlarau a dam lo va, Welfare state lam kha kan hlat tulh tulh si chuan Ram nuam (Welfare state) a thleng dawn lo. Vawiin ah Eiru lo tura intiam ngam chu mipuiin kan duh thin a, rorelna tha han tan teh se. Development zawng zawngte an khawih thei lovang. Tin, an policy tam tak hi chu Primary needs a ni rih lovang. Mizo ramin a mamawh zual (primary needs) chu:-
1) Tukhuah Hydel Project: Hei hi Mizoramah Chanchin tam tak sawi tur a awm. Ti tak tak lovin, Mini Hydel project kan sawi mawi a. Tlem lai deuh phei kha chuan, Tuikhuah lian lutuk chuan Lirnghing a siam thei, ti te pawh an sawi. Mizoramin tuikhuah tur a nei tha lutuk. Phai lam aiin Mizoramah Tuikhuah a awlsam zawk bawk a. A senso a tlem zawk bawk a. State sawrkarin a tih tak tak chuan tuma hnial rual a ni lo. Development leh Infrastructure khawih hi state sawrkar thu thu a ni. Electric power a awm loh thin avangin Industry lian a siam theih loh, Khadi Villege industry a siam theih loh. A siam chhunte pawhin duh anga hman tur an neih loh avangin hun tam tak tak an chawl a. A pawimawhzia Tunlai khawvel Information Communication Technology (ICT) Zirna in, Online Net work leh Office pay bill siam thleng in. Mamawhna a sang tual tual a. Mi state chawm ni lo, mahniin neih tur a ni.
2) Agriculture: Agriculture hi a pawimawh em em a, Agriculture Income Tax (section 10 (1) ) pawh hian Tax hi Agriculture thar chhuahah a free a ni. Ram chhawr tangkai a tul tawh a. Mizoram Tlangdung te Tectonic plate-in a sik sawi avangin chhim leh hmar zawngin rem takin a inthlur a. Tlang dung leh tlangdung inkarah Lui a luang zel a, heng lui hi tlangdunga Tlangzawl Tuizem lian (Reservour) pump chhoh nan Power kan mamawh a. Kan sawi angin Tlangdung tectonic plate nawrna avangin Chhuahlam ram a parh tha zel a, tlak deng a kham deuh zel a. Chhuah lam ram parh tha hi terrace-ah Kum tluanin Wet cultivation atan kan hmang ve tur a ni. A harsatna lam ngaihtuah loh tur a ni. Kan ram neih chhun chu hman dan kan zawng tur a ni. Agriculture /Wet cultivation hi tui lak tel lo chuan a theih loh a, current a that chuan tui kan sawi kha a pump reng dawn. Tuizem lian atangin farm zawng chu supply tawh mai tur a ni. Ram hian Tharchhuah /Hrin a nei ang a. Thlawhna leh motor rawn lut ten back load an la ve ang a. Thlawhna veivak (Cargo) a lo tam ang a. Chung Agri-products man chu Mizo ramah kan tel ve ang a. Tunah hi chuan Delhi atangin budget pawisa a lo chho a. Mobile bill, Supply bill, Buhfai lei na, Vai Contractor bill-ah phai lamah a let thla leh nghal a. Mizoramin hum tur (hand holding) a nei lo va. Delhi atanga Sum sawi chhuak thei nih vel hi a lo sang fahran lo hle tih te hi hriat a tha.
3) Kawngpui Inkalpawhna : Inkalpawhna kawngpui a that phawt chuan Khaw mipui Zokhua (Rural area ) pa ho chuan an ramah inbenbel an chak zawk avangin Aizawl khawpui Budget hniang hnar lama kal pawh tul an ti lem lo… Chutiang ni lova, Aizawl khawpuia pem luha khawsak awlsam zawka Budget tlan hian Mipui a hip khawm a. Aizawl khawpui chu Pem khawmin kan lo tawt ta em em a. Greater Aizawl Plan te lah Aizawl dai (Down Town) Mi hausa ram a tam lutuk avangin Compensation a tam lutuk a, a puitling thei thin lo ni awm tak a ni. Thingtlang khaw kawng hi siam tha ila, lo pawh lo nghet, tuilaka chawm kan neih hunah chuan ram hran bawh fo ngai lovin ramngaw kan lo ngah tawh dawn a. Kan ram pawh Boruak a lo vawt thain Oxygen a tam chuan, Climate a lo pangngai leh ang a. Khawlum lutuk avanga rannung piang thosi te pawh an lo tlem leh ang a. Mihring natna vei thin leh hri leng thei rawn piang tur pawh a tlem sawt dawn a ni. Kar kawng a that chuan a mi cheng ten Khadi village Industry te Workshop te Thlai processing / ran chaw siamna hmun te leh thil dang an lo siam ang a, chung chu ramri sumdawnnaah kan hralh ve zung zung ang a. Head load ri ngawt chuan engmah kan ti thei lo. Thlai processing te hi a pawimawh, East India Company hun atang khan India thlaite hian Europe an chawm hnem hle a ni.
4) Damdawi in: Mizoram hi Damdawi inah hian kan changkang lo hle a. Tun decade chhung phei chuan kan hnung tawlh ta emaw tih hial turin hma a sawn lo. Private Damdawi in a tam hle a. Mahse Khawl leh X Ray/Scan tun lai khawl changkang an nei vek thei lo va. Sawrkar Damdawi in aiin private damdawi in a changkang zawk leh nghal a. Sawrkar damdawi ina an tih theih loh hi Private Hospital-ah an ti zung zung niin a lang. Hetih lai hian ramdangte chu National Health Mission zar zoin Uttaranchal te Assam etc. ten tha tak leh ropui taka Mipui tana Operation theatre changkang, Standard Operating Procedure (SOP) tun lai khawl changkang tak Equipments te nena an thuam lai hian National Health Mission-in point pawimawh zinga a dah damlote himna leh thil tihsual laka fimkhurna chungchang tluang taka inzaina tur (Enhance Patient Safety Minimizing errors and improving efficiency in the operating Theatre… ) chu Mizoram lamah chuan kan la tlachham deuh a. Mipui hi an khawngaihthlak in, sawrkar hian engkimah mawh a phur ber niin a lang. Siam that ngai a tam hle a ni. Tun dinhmunah Surgical/ Operation Theatre (SOP ) system tha tak nei ila, Doctor thiam (Visiting Professor/Super Specialist) ho hi lo kal hnem se, duhthusam a ni.