Tlawng hnara awm Sairepin an ramngaw humhalh tha

Mipui engemawzat tui tlan, Tlawng lui hnara awm Sairep khua chuan an ramngaw an humhalh tha hle a, ramngaw tam zawk an humhalh theih nan an eizawnna thar ngaihtuahpui turin an khaw tlawhtu PHE minister an lo ngen.
Lunglei leh a chhehvela a department chan kaihhnawih enfiahtu PHE minister Prof. Lalnilawma hoin Ningani khan Tlawng lui hnar Sairep khaw bul ami chu department hotu dang leh Project Save Tlawng hruaitute nen an tlawh a. Sairep khua tlawh nghalin, an khawtlangin Tlawng hnara ramngaw an humhalh dan a enpui. Khawtlang hruaitute chuan kum 10 chuang kaltaa minister pakhatin a tlawh bak an khuaa minister lut leh hmasa ber a nih thu an lo hrilh.
Tlawng lui hnara an ramngaw reserve an humhalh that zia lo hrilhin, VC leh YMA te phalna lo chuan thingtang ro takngial pawh reserve ar ea atang hian an la ngai lo tih an sawi a ni. Sairep ram chhungah hian Tlawng lui bakah lui dang panga – Lungpher, Suakchhunga Vautui, Zo lui, Thai lui leh Saphai lui ten hnar an nei a ni.
Khawtlang hruaitute chuan Tlawng hnar ramngaw chauh reserve loin, an ramchhung ramngaw zawng zawng reserve vek an duh laiin, kuthnathawka ei zawng deuh vek an nih avangin harsatna an tawk tih minister hnenah hian an lo sawi a. An ramngaw chu Tlawng lui tan tuihna siamtu pawimawh a nih avangin humhalh zel an duh a, tha taka an humhalh zui zel theih nan hma lakpui turin an lo ngen a ni.
Minister chuan Sairep chu sawrkarin a ngaihpawimawh bik dawn tih sawiin, leh khaw dang thik a thiang lo tih a sawi lawk a ni.
Zobawk khaw mipui tana Tlawng lui tui titam tura PHE-in Tlawng hnar (Zobawk) a recharging dam siam an tum, court case avanga chawlh lailawk pawh Prof Lalnilawma hian a hmunah enin, chinfel a nih theih nan Forest minister nen an la sawiho tur thu a sawi.