Sialkal Range Development Council (SRDC) leh Human Resources Development Board (HRDB) thawktute chuan Green Mizoram Day denchhenin Zirtawpni khan Tlawng road (Reiek kawng) ah thingptiak an phun.
SRDC chairman leh HRDB vice chairman Dr L Thangmawia, MLA chuan thing hi a phun ringawt niloin a enkawl zui leh an thanlen dan azir zela a hungna siamthat leh enkawl zui chu kan mawhphurhna a ni, tiin, kan chhehvel thing leh mau vawnhim chu hmanlai kan pipute leh Mizo lalten an ngaipawimawh thin a, thangtharte zingah ngaih pawimawh kan inzirtir thar zel a tul takzet, tiin a sawi.
Tunhnaiah Tlawng road sira bawlhhlawh paih ruk chingte avangin a hungna siam hial a ngai ta tih sawiin, mithahnemngaiten Tlawng lui humhalh tura hma la in inzirtirna leh ngenna chanchinbu, TV leh social media kaltlangin nasa taka neih a ni tawh a, mitinin zawm theuh turin a ngen tih a sawi a ni.
Guwahati-a Union minister hoa Brahmaputra Board meeting-ah Mizoram sawrkar aiawha Tlawng lui humhalh a tul thu leh sawrkar laipuiin sum a pek a tul thu theihtawpa a auchhuahpui thu Dr L Thangmawia hian a sawi a. Zoram mipuite tui hna humhalh kawngah leh thing leh mau humhalh leh siambelh kawngah nasa lehzuala la turin a sawm tih a sawi a ni.
Tlawng kawngah thing phun
Get real time updates directly on you device, subscribe now.