Tleirawl Jovic veltu Aryna Sabalenka

Tleirawl Jovic veltu Aryna Sabalenka
A tum thumna atana Australian Open title hawn leh ngei tum kal mek top seed Aryna Sabalenka chuan nimin quarter final match pakhatah rising American star Iva Jovic-i lasi thawnthu kal lai a tihtawpsak a, 6-3, 6-0 hnehna nen semi-final a lut lehj ta phawt.
Belarusian hi kum 2023 leh 24 khan Melbourne Park-ah a champion a, nikum final-ah Madison Keys hneh loin a tlawm a, kum li chhunga Australian Open title vawi thum la tling turin match hnih chiah chak a mamawh tawh.
American tleirawl kum 18 mi beiseina a tihtawpsak hnuah Sabalenka hian Inrinni zana title match khel pha tur zawnna pakhat zawkah Coco Gauff hnehtu Elina Svitolina a hmachhawn leh ang.
World number one Sabalenka hian round hmasa lamah pawh beisei aia thleng sang Canadian tleirawl kum 19 mi Victoria Mboko kal zel tur a lo dangchat tawh a, a vawi khatna atana Grand Slam quarter-final lut tihte mai mai tan hneh ngaihna a la awm rih lo.
Kum 27 mi hian a career-ah Grand Slam title pali la tling tawhin, a vawi ngana a hnaih leh hle tawh!
Nimin quarter-final match dangah third seed Coco Gauff chu minute 59 lek chhungin Ukrainian Svitolina lakah 6-1 6-2-in a tlawm fel hman der a; final luh inchuh match lama a tumn leh tur four-time major singles champion Sabalenka nen hian vawi ruk an intum tawhah vawi khat chiah a la chak!