Tottenham in Maddison an la lut

London hmar veng club lian Tottenham chuan Leicester City atangin England midfielder James Maddison an la lut a, kum nga daih contract an ziahpui.
Manager Ange Postecoglou hnuaiah hmasawn tumin Tottenham in tan an khawh a, an squad thuam chak hna an thawk mek. Midfielder tawnhriat ngah James Maddison manah hian £40m an seng a, kum chhung cham turin an la lut. Maddison an lak luh hma hian Italian goalkeeper Guglielmo Vicario chu Serie A club Empoli atangin thawhleh ni khan an lo la lut tawh a. Season liam taah loan-a an hawh Sweden midfielder Dejan Kulusevski chu Juventus atangin an lo a nghet tawh bawk.
Tottenham midfielder thar James Maddision hian kum 2018 khan Norwich City atangin Leicester City hi a zawm a, Foxes hian Maddison manah £20m an seng a. Kum 2021 khan tui let hnua a vawikhat nan Foxes hi FA Cup-ah a champion pui ta hial. Foxes tan hian inelna hrang hrangah vawi 203 a khel hman. Goal 55 thunin, assist vawi 41 a nei hman. Season liam ta khan EPL-ah goal 10 zet a thun a, mimal takin chetha viau mah se Leicester City hi EPL-ah a inhamtanpui zo lova, championship-ah an tlahniam hlauh thung. Club tan a chetthat thei em vangin England tan khel tura koh a ni a, Three Lions tan hian vawi thum a khel tawh. Newcastle United pawhin Maddison hi lak an tum hman zet a, anni hi chu AC Milan midfielder Sandro Tonali lam an hawi leh ta zawk. .
Championship-a tlahniam Leicester hi player langsarin an chhuahsan zel dawn niin a lang. Maddison chhuah hma hian Belgium midfielder Youri Tielemans chuan free transfer in Aston Villa a lo zawm tawh bawk.