Tractor-a kuhva tawlh tum man

Tum danga la tih ngai zen zen loh hmangin dan loa kuhva rah tawlhruk tum chu Khawzawl Police-in an man.
Khawzawl Police sawi danin, August 29 chawhma dar 11.30 vel khan Khualen khaw daiah tractor pathum-a dan loa kuhva rah tawlh an man a, a vaiin bag 102 niin, an hralh thinna anga chhutin Rs 20,40,000 hu a ni.
Tractor khalhtute – Ninzakapa (42), Richard Lalhmingliana (40) leh Kaplamkhaia (18), Ngur khua Champhai district chu man niin, an ni hian an tractor trailer-ah hian kuhva rah ro bag 34 theuh an phur a ni.
Kuhva rah neitu hi Lallawmzuala (37) Ngur khua a ni a. Kuhva rah hi a tlangpuiin truck leh pik up hmanga phurh a ni thin a, tun tuma tractor an hman chhan hi ruahsur natsat lai a nih avangin diak leh kawng tha lo paltlang thei ber tura an ngaih vang niin kuhva neitu hian police-te a hrilh a ni.