Tribal te ngenna Apex Court in hnawl

Supreme Court chuan June 20 khan Manipur ethnic violence mi 100 dawn in nunna an chan phah tawhna chu ‘law and order issue liau liau’ tia sawiin court chu Army emaw Central security forces te thawnlut tura nawrluih a nih loh a beisei thu a sawi.
Vacation Bench of Justices Surya Kant leh M.M. Sundresh te chuan Manipur Tribal Forum Delhi (MTFD) tena Army te chu Kuki tribals te humhim tir tura an ngenna rang taka ngaihtuah tura an ngenna chu a hnawl a. Court chuan July 3 ah summer vacation zawh hnuah ngaihtuah tura tiin chu chu a ngaihtuah theih hun hmasa ber a ni a ti.
Bench chuan tuna a inrawlh a nih chuan kawng lehlamah Manipur state buaina a tipunlun thei zawk dawn tiin a sawi bawk a. Court chuan tunah rih chuan sorkar chu State a ralmuanna thlen tura rin phawt a thlang tia sawiin, “An ti mek a ni” tiin Bench chuan tawngka in a sawi.
Solicitor General Tushar Mehta, Manipur leh Union Governments aiawha ding chuan, “A hmunah security forces te an awm a, an theihtawp an chhuah mek a ni” tiin a sawi.
MTFD aiawha ding senior advocate Colin Gonsalves chuan tharum thawhna in ‘inthahna’ chu sorkar berin Supreme Court hnenah mipuite himna a tiam chungin a la thleng reng tiin a sawi ve thung.
“Tribal ten beih an tawk reng a. Tribal te thahin an awm a. Army venhimna ka ngiat a ni. Army venhimna leh he tharum thawhnaa mawhphurtute chingchhuak turin FIR ka ngiat a ni” tiin Gonsalves chuan a sawi bawk.
“Hetiang thupek pe tur hian court hi ngen a nih loh kan duh a. Army te dahlutin, central force te tirhluh ni rawh se. Hei hi law and order chungchang bil a ni a. Thuneitu ten ngaihtuah rawh se” tiin court chuan a chhang thung.
“Nangni chauh hi tribal te venghim thei in nih avangin kan rawn pan che u a ni. Tribal te hi hnuchhawn theih an ni lo. He court ah ngei hian an intiam a, tichung chuan tribal te chu thahin an la awm tho a ni” tiin Gonsalves chuan a sawi.
Mehta chuan vacation bench hmaah a hma pawhin ngenna dang a lut tawh a, mahse Apex Court chuan holiday zawha ngaihtuah turin a ti, a ti a. “Security dinhmun zia se la, public interest petition chuan a nghak thei zawk” tiin a sawi.
May 17 khan Solicitor General chuan Manipur state ah boruak a ziaawm nasa tia sawiin ‘remna awmin boruak a sosang lo’ a lo ti tawh bawk.
MTFD te chuan rang takin Churachandpur, Chandel, Kangkokpi, Imphal East, Imphal West leh Manipur thingtlang ah te Kuki te thah zui an nih loh nan Army ten thuneihna la se tiin ngenna an siam a ni.