Trump pawhin duhsakna a hlan

US President Donald Trump leh Taylor Swift te hi an inngaina vak lo tih chu tlanghriat a ni a, 2016 US President thlanah khan Swift hian Hillary Clinton a thlawp thu a puang a, 2024 inthlanah pawh Kamala Harris a thlawp thu a puang leh bawk. Trump pawhin Swift hi a ngainat loh thu social media lamah post hialin, “Ka hua a nia” a ti hial a ni.
Tichuan, August ni 26-a US President-in a cabinet te nena meeting an neihnaah chanchinbu miten zawhna hrang hrang an zawt a, chutah chuan Taylor Swift leh Travis Kelce te inhual chungchangah sawi tur a neih leh neih loh an zawhna chhangin, Trump chuan, “Duhsakna ka hlan e. Player tha tak a (Kelce) niin ka hria, pa tha tak a nih ka ring a, ani (Swift) pawh mi tha tak a ni, chuvangin an pahnihin duhsakna ka hlan e,” a ti.