Tualchhung beiseiawm veltu Russian tleirawl Andreeva

Russian thisena piang Frenchwoman Varvara Gracheva chuan Thawhtanni zan French Open fourth round inkhel pakhatah Paris mipui tan hlawh zawk teh mah se chu chuan Russian rising teenager Mirra Andreeva laka 7-5 6-2-a a tlawm tur a chhan zo lo!
Nikum maia French mi nihna nei fel Gracheva hian Court Suzanne Lenglen khat tlata mipui pungkhawm tan hlawh zawk engang mah se Andreeva kha khelmualah a puitling chet tlat a, world number 88-na luah mek Gracheva tan quarter-final luhna kawng a ping a, khelmual a chhuahsan laiin kum 23 mi kha ‘standing ovation’ nena thlahliam a ni.
Russian tleirawl kum 17 mi Andreeva khan Roland Garros-a women’s singles semi-final luh inchuh match pakhatah second seed Aryna Sabalenka a hmachhawn zui leh dawn a ni.