Tualchhung zu man belh zel

Mizoramah tualchhung zu a pung nia sawi a ni a, Aizawl daiah zu siamna a thang duang nia sawi a ni.
Mizoram Excise & Narcotics (MEN) department-iun kuminah May ni 31 thleng khan tualchhung zu litre 29,124.415 an man tawh a, thla nga chhunga manah chuan hei hi a tam.
2020-ah khan tualchhung zu hi litre 46,083.762 an man a, 2021-ah litre 40,334.032. 2022-ah a pung hluai a, litre 75,701.595 an man. 2023-ah a pung leh a, litre 81,221.885 an man.
2021 atangin tualchhung zu an man zat hi a la pung kum tin a, 2022 atang phei chuan pung nasa tak a ni.
Kuminah thla nga chhungin zu bilh lai tin 48,855 an man tawh bawk a, zu siamna bel 799 leh dawidim (yeast) kg 13,274 an man tawh bawk.
MEN department hotute chuan Aizawl dai vela zu siamna hmun hi tun hnaiah an thang duang hle tih an sawi a, Mizoram hmun hla tak taka zu an mante pawh Aizawl dai vela an siam a lo ni leh thin tih an sawi.
A sen chi pawh an man hnm tawh; kuminah May thla thleng khan IMFL ml 750 dawng chi um 7,311 an man tawh a, ml 375 dawng chi um 989, ml 180 dawng chi um 2,948 an man tawh.
MEN department hian kuminah May thla thleng khan zu leh ruihhlo vangin mi 3,130 an man tawh a, lirthei 34 an man tawh bawk.